Jowai: Ka lehniam Durga Puja yong kiwa ngait niam Hindu ha West Jaiñtia Hills ynne ka sngi da poi ko chawa kut hapyrdi i chimbynta ki kattu katni ngut donhi deiwa bood ya ki kyndon wa da booh ka sorkar.
I pynkut ya kani ka lehniam da man i iwa lai bait hapyrdi i sonteri ki pulit wa ki Magistrate.
Ha Jowai da sakhi yei pynngam um ya ka pachor wow pynwan dur ya ki Blai wei da pynngam ya ka ha i bynta ka Lynter yong ka Wah Myntdu.
Kani ka lehniam da man ko kawa lai bait ha Nartiang wa ha Dawki heiwa ha Nartiang da khang pyrchah ya ki bru kiwa na baar ka chnong wow wan chimbynta ki nadooh wa sdang hadooh ynne ka sngi wa pynkut ya ka.
