Poi thong ka esikai chaphang ki tiar put tiar tem tynre hapoh ka Amlarem Civil Sub-Division

Amlarem: Ka esikai namo ka Workshop heiwa kammon u chna ya ki tiar put tiar tem tynre kamjooh wow put wow tem ya ki da pynman da ka tnat Arts and Culture ha Muktapur, West Jaintia Hills.

Kani ka esikai wa duna chi tayaw da sdang ko na ka 25 tarik hadooh 29 tarik u Naiynñiaw.

Ha kani ka esikai da wan chimbynta hadooh 72 ngut ki bru wei ka thong yong ka toh wow kyntu wei wow pynneh pynsah ya ka dustur riti ha ka pateiñ wa katni.

U P. Wahlang da esikai u chaphang ka ksiñ, u B. Mukhim chaphang ka bhuri katwa u P. Syngkli nawon chaphang ka Duitara.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha ka sngi sdang ka kongsan yong kani ka esikai, ka Isawanda Laloo, IAS, SDO Amlarem da kyntu ko ya kiwa chah hikai wow chimkhia ki yeini wei wow maya ki yei tynre iwa da booh da seiñ da ki waheh wasian iwa ye u wailaad ya ki ha ki kaam khih kaam kreh.

Kani ka esikai toh kawa ar hapoh Amlarem Subdivision heiwa nyngkong da pynman ya ka ha ka 30 Naisan hadooh 3 Naiynru uni u snem heiwa da myntoi hadooh 64 ngut ki khynroo khyllood kamjooh ki khynnah skur.

Ha ka kynti wa nyngkong da pynman chaphang ka Ksing wa da esikai da u R. Buhphang, ka bhuri da u M. Khongjirem katwa ya ka Duitara won da u P. Syngkli.