Kamwa ka ri yakhun ko ya ka la-ær wa ar ka khlam COVID-19, ynnin ka sngi da mih i dur yong u montri ka chnat bordiñ ka Mizoram, u R Lalzirliana wa pynkhooid u ya i madan ka ZMC Hospital kawa chah sumaar u na u COVID-19.
Ya u Lalzirliana da li booh cha ka ZMC Hospital hadien wa chem wa yoh u ya u COVID-19 haka 11 tarik uni u bnai heiwa ka kurim u wa u khon u leh da yoh lang ki ya uni u khñiang.
Ini i leh u montri da e mynsien i ya ki bpaidbah ka jylla wei da man i leh kam ka nongmuna ya kiwi wow bood ki.
Neiliang u montri da ong u wa ini i leh yong oo ymtoh dei thmu wow daisarom ya kiwa kreh kani ka thaw sumaar tangwa wow pynsñiawthooh ya ki paidbah yei emkaam wow man kiwa lehkhooid.
Uni u montri toh uwa 71 snem wei toh u MLA ka Mizo National Front (MNF).
