Ynne ka sngi da sdang poor iwi i Video lyngba ka Social Media kam ha ka WhatsApp wa Facebook wa pynyoo ya u MLA ka Mowkaiaw Constituency, u Nujorki Sungoh wa kiwi ki bru da pynsngat ki ya kawi ka liar/wah deiwa pynemkaam ya ki kor Pump um.
Ha kani ka Video da yoo wa u Nujorki da ksoh u ha kti yong oo ya ki lakang (Turtle) kawi wa dang khian kawi won kawa da rap heh.
Ha ki kyntien wa da thoh ha ka Video wa poor ha ki Social Media da ong wa u MLA da tyngkheiñ u ya ki kyndon ka aiñ wa yatoh wa ka Lockdown.
Hawa yaklam u Wyrta wa u Nujorki Sungoh da pynche u hajrong ini i Video deiwa ong u wa katu ka sngi da lai pait u ya ki hali ha Maitdieñ wei heitæ i por ka chnong Maidieñ waka Maitdieñ Iogkynchur dang khat doh ki hei emlang ki waheh chnong kini ki ar chnong wei da lai pait donhi u ya ki ymtoh wa lai tong doh u neibhah wa em ki hali hajan ka hali yong oo hajan kani ka thaw.
Heiyatoh wa ki lakang wa da yoo wa ksoh u (Nujorki Sungoh) ha kti, da ong u wa ya kini da ekti noh cha ki bor ka chnong.
Discussion about this post