Shillong: I yakhih pyrchah yei chna luti rel ha Ri-Bhoi iwa sdang nadooh ka sngi Chohthat da poor i sa cha sor Shillong ynne ka sngi heiwa ynne i janmiet iwi i dukan uwa khayi duma uwa man leh u baar jylla wa em ha Wahthapbru wa em hajan Jeepstand, Iewduh da chah thang i ha ki damok wym tipmit.
Ini i dukan i yong u Santu Jelewal da iñ ko malum male neibhah wa da kem diñ ka dwar, ka carpet wa ka tusok wei ha ini i jia ym em wa mynsoo.
Heini i por ka khon u Santu da smat ko u yut heipor wa sdang kop diñ ka tusok wa chong ko.
Ka kari tympleh diñ leh da smat ko u poi biang por ha ini i thaw wow tympleh ya i diñ wei ki pulit ka East Khasi Hills wa kynthup ya u NK Syiem leh da poi ki bran bran cha ini i thaw.
U Santu da khana u wa waroh da jia i heipor kamwa 6:30 i janmiet baje janmiet wei da poi ar ngut ki bru wa tymmoh khmat da psiah ki ha dukan u kiwa da sai ki chi liter i petrol wei da theh ki ha dukan wei da e diñ ki deiwa pynemkaam dei diñ-kot.
Da ong u leh wa i chna luti rel toh i kaamram ka sorkar jylla wa ka sorkar pyrdi wei kiwa chong chnong ym em bynta ki ha ini i kaam.
Ha ini i jia da doohnong kamwa hadooh T. 50,000 wei embhah wa ym em u poor i diñ cha ki mar yong oo.
Discussion about this post