I yakhih chong kyllaiñ myngngor ka Jaiñtia Coordiantion Committee for Reservation Policy (JCCRP) kawa kynthup ya ka JSU, JYF, JSM, EJNC wa ki Synjuk Waheh Chnong ynne da pynman yakhih ki sa ha Khliehriat, East Jaiñtia Hills wow dawa na ka sorkar wow sylli biang namo wow Review noh ya ka Reservation Policy kawa da krehkaam la 50 snem tam.
U OL Tariang, uwa man u President ka JYF da ong u wa da dawa wow sylli noh ya ka Reservation Policy neibhah katkam wa man katni da em palat i boon paaid ki Khasi Jaiñtia bar ya ki Garo deiwa kyntu leh wa ini i yakhih ka JCCRP wymtoh wow phiah næ pynyaphær jaitbru deiwa kyrpaad leh ya ki MLA ka Ri-loom Jaiñtia wow chimkhia ya ini i bynta.
Uwi na ki manpa wa wan cha kani ka yalang da ong u wa ini i yakhih ymtoh neidaw ka Party tangwa em i mynsien sñiawlem iwi ya iwi.
Da ong u wa lada ka 40% yoh ki Garo, ki Khasi Jaiñtia leh em ki 40% kammon u man salonsar ko neibhah ki Garo em ki du 8 lak tam katwa ki Khasi Jaiñtia em ki 15 lak tam, kamtæ da toh i por wow pynkylla noh ya kani ka Reservation Policy.
