Jowai: Katwa dang lai ki sngi, ki khubor thok wa pynpoor ki bru ha ki Social Media khamtam ha u WhatsApp dang joor ki wei ha kani ka kynti won da em wa kam wa da boon ki bru wa poi cha Civil Hospital ha Williamnagar wa yoh ki i kjut wa khyllah neidaw wa baam soh maniar (Lychee) wei yeini da kam wa ong da ka Dr. Basonti R Sangma.
Ha kani ka khubor thok da ong wa lada kamni da ki hajar ngut wow yap wei ini da jia i neidaw wa baam ya ki soh maniar wa da dep baam ki kyllamudur (Bats).
Da kam leh wa u Fr. James Sangma da man u uwi wa chah ktah wei da chah ktah u Liver u wei ki Doctor ym ye ki u sumaar wei ym slem de daw khlaad u.
Da boon wa ngait ya kani ka khubor neidaw wa em u Nipah Virus katni hapoh ka ri India.
Neiliang ki wakreh hapoh ka Williamnagar Civil Hospital won da pynche ki wa ym em kam katæ ka Dr. Basonti R Sangma wa kreh hapoh kani ka thaw sumaar wei ka sorkar leh da ong wa kiwa pynpoor ya kani ka khubor ye ki u chah kem neidaw wa haap ko hapoh ka Cyber Crime wei neiliang u montri ka chait ka khiah leh da maham u ya kiwa leh wow chukor ya ki paidbah.
Discussion about this post