Ka Ministry of Fisheries, Animal Husbandry & Dairying ka sorkar India da pyntip ko wa i kjut ki syiar wa ki sim kawa tip kam ka Avian Influenza hadooh ynne ka 11 tarik da pyntikna wa da em ko ha ki 10 tylli ki jylla kari.
Ka ICAR-NIHSAD da pyntikna ko wa ki lat’aab kamjooh ki sim wa wan poi na kiwi ki thaw namo ki (migratory/wild birds) ha Tonk, Karauli, Bhilwara Districts ka Rajasthan; wa ha Valsad, Vadodara, Surat District ka Gujarat toh kiwa yap na ini i kjut. Chooh chooh da pyntip leh wa da pyntikna yei yap ki lat’aab ha Kotdwar wa Dehradun District ka Uttarakhand. Ha Delhi, ki lat’aab, ki rapasa da yap ki ha New Delhi wa ha ki thaw wa em ka nan Sanjay Lake.
I poor ini i kjut Avian Influenza leh da chem ha ki thaw ri syiar ha Parbhani District, ha Mumbai, Thane, Dapoli wa ki lat’aab ha Beed kiwa em ha Maharashtra.
Ha Haryana i pynyap yaki syiar da lai i chakhmat yow kdooh u khoom nei poor ini i kjut. Ki bru ka sorkar pyrdi da lai ki leh cha Himachal Pradesh wei daw poi ki cha Panchkula myntu ka sngi yow pait ya kini ki thaw wa sdang kani ka kjut kamjooh leh wow leh yaka takit.
Ki jylla da phah yaki wow pynman ya ki pynsñiawthooh paidbah hajrong kani ka kjut yow lait u em kiwa sñiawthooh bakla. Da phah leh ya ki jylla wow pynjoor ki yei paitbniah yaki thaw wa em ki um, ki thaw dai sim, ki Zoo, ki thaw ri syiar wa kiwi kiwi.
Da phah leh wow booh yaki riam yada PPE deiwa dap yow ye u sap heipor wa pynyap yaki syiar, ki sim. Kamjooh leh da phah wow pyntikna wa ini i kjut ym kynthiar i cha ki bru.
Ki jylla wa da pyntikna wa da em ini i kjut toh ha Kerala, Rajasthan, Madhya Pradesh, Himachal Pradesh, Haryana, Gujarat, Uttar Pradesh, Maharashtra, Delhi wa ha Uttarakhand.
