Por Khynroo

I por khynroo wa sñiaw muja,
Antaad yong-i ham lai bakla;
Yieñ ha ka yurim wa skem wa chkeh,
Burom ya idæ ham leh kyndeh.

Ka-it thop jar i kaam wa kreh phi,
Ham ap yei pynchoi neitu neini;
Kat wympu yoo da ki khmat sñiaw da ki chkoor,
Ham leh yindong man kiwa yinsur.

Lada tlot i ngait daw chah yah bakla,
Heitæ sæ duk phi u takor thnga;
Chisien wa da lait wymye de u pyntoh,
Lada syrdep malu-mala leh wym dam u chah boh.

I por khynroo toh iwa maa bha,
Kyntait ya ki kaam wym sñiaw tikna;
Yow lait nei chah yoobeiñ kynthai wa chynrang,
Pynlut chiboon i por cha ki kaam imlang sahlang.