Hadien wa joor syndet u slap ha ka Lhonak Lake wa em ha North Sikkim, da wanrah i yei ku ka um ka wah Teesta heiwa da chlai um ki bynta ka Lanchen Valley. Ini da sih chooh chooh i hadien wa pynlait ya ka um na Chungthang Dam heiwa kani ka um da kit ko ya 23 ngut ki bru chipai wei da chah ban 41 tylli ki kari.
Kani ka Dam da pra ko leh nei joor wa khlan ka um heipor pyrdi synyaaw wei da chah rong lang waka yingkieñ wa jrong 200 meter kawa lai cha ka Powerhouse kani ka Dam.
Kani ka 1,200 MW Dam toh kawa em ha ka wah Teesta wei da lut hadooh Rs. 25,000 klur wow chna ka.
Da em leh hadooh 150 tylli ki yung ha Industrial Belt (IBM) ha Rangpo, Sikkim kiwa da chah ktah wei hadooh 20 ngut ki bru paidbah da wiar ki.
Da ye leh wow pynlait hadooh 3000-4000 ngut ki bru chwa ka 2:00 waje i step synyaaw na Rangpo. Katwa na Goitar, Sintam da chem ya 5 tylli ki metyap.
U surokbah NH-10 wa pynyabi ya ka Singtam wa Rangpo da tkut u ha ka 21 Mile uwa man u sarok wa pynyabi ya ka Sikkim waka ri waroh kawi wei da sdang pynkhooid ya u sarok da ka NHIDCL.
Da em leh i chlai um ha ki thaw puræ kam ka Sikkim Manipal Institute of Technology ha Majhitar wa Advanced Technical Training Centre ha Bardang.
Discussion about this post