Ka 1st Division ka East Jaintia Hills District Football Association (EJHDFA) da sdang ko da ka yalehke Semi Final ynne ka sngi.
Ka yalehke wa da pynman da kut ko da 2-2 hapyrdi ka Byndihati CSC wa Musniang SC.
Ka Byndihati da yoh ko wow thap chwa ar kool lyngba u Bhalangme Tariang ha ka minit wa 24 wa u Tenligent Dkhar ha ka minit wa 52. Ka Musniang won da ye ko wo su kylliang ya kini ki ar kool deiwa thap u Eleven Biam ha ka minit wa 76 wa u Nikerda Dkhar ha ka minti wa 90.
Kamtæ yow rai ya kiwa jop da pynman dei yachut Tie-Breaker heiwa ka Byndihati da jop ko da 5-4 yow psiah Final wei da ku kyrdan ko leh cha ka Super Division ha u snem 2026.
Ka Semi Final wa ar u pynman mynstep hapyrdi ka R. Synrangshahkhain SC wa ka Wahiajer Narpuh SSC heipor 2:00 waje i sngi.
Discussion about this post