Ka 1st Tiger 5 Football Tournament wa da pynman da ka Demthring Sport Club dapoi ko cha ka Semi Final ynne ka sngi deiwa pyndep waroh ar tylli ki yakhun Semi.
Ha ka yalehke wa nyngkong hapyrdi ka Fortuner SC pyrchah yaka SBS Plongingkhaw, ka yalehke da kut ko da 1-1 heiwa ka SBS da yoh ko wow thap nyngkong lyngba u Madon Nongrum haka minit 27 tangwa ka Fortuner da su kylliang ko haka minit wa 57 da ka kool wa thap da u Auspicious Pamthied.
Kamtæ da pynman yei yachut Tie-Breaker heiwa ka Fortuner da jop ko yaka SBS da 4-2.
Haka yalehke wa bood, ka We United SC da jop ko yaka Rise Together da 9-3.
Ya ki kool ka We United da thap da u Dibor Kassar haka minit wa 18, 22, 26, 44 wa 57, u Civil Khongmalai ha ka minit wa 16, u Kevinson Rymbai haka minit wa 49 wa 56 wa u Nih Suting (Own Goal) katwa yaka Rise Together da thap lyngba u Phang Sumer haka minit wa 46 wa 52 wa u Civil Kongmalai haka minit wa 20 (Own Goal).
Yaka Final daw pynman ha ka 18 tarik uni u bnai ha madan Luti Iaw heipor 1:00 waje i sngi.
Discussion about this post