Ka KSU Mupyut Unit da yoh ko wow psiah Final ha ka 2nd Shkenpyrsit Secondary School & RMSA Invitation Football Tournament 2021-2022.
Ha ka yalehke Semi Final kawa ar wa da pynman ha ka 23 tarik uni u bnai, ka KSU Mupyut Unit da pynrem ko ya ka Syndai Kmai Chnong da 3-1 ha ka yalehke wa yoosuk wa chongchit heiwa ya ki artylli ki kool ka KSU da thap da u Dame Syih katwa kawi won toh kawa thap bakla pyn da uwa yang dien ka Syndai Kmai Chnong, katwa ya ka kool ka Syndai Kmai Chnong won da thap da u Lung.
Ka yalehke neibynta ka Final daw pynman hapyrdi ka KSU Mupyut Unit pyrchah ya ka Tur-Iap FC Nongtalang, kawa daw pynman ha ka 07-05-22, heipor 2:30 i sngi.
Ka song poisa waroh ha kani ka lympung dapoi ko T. 3,70,000 heiwa kiwa jop Final daw yoh ki T. 2,50,000 katwa ki warem u yoh ki T. 1,20,000. Kamtæ da khut da wer ya phi waroh kiwa maya bol wow wan cha kani ka yalehke Final.
