Jowai : Ka Ladthadlaboh SC ynne ka sngi da pynrem ko ya ka Newhill SC da 52-30 point. Ha ka yalehke u Vincent Lyngdoh da yoh u thap 24 point wa u Pleasantly Synnah won da yoh u 16 point neiliang ka Ladthadlaboh. Kiwa yalehke ka Newhill kiwa leh bha toh u Marjan Hadem wa u Edmund Pakam kiwa yoh mar 10 point.
Ha ka yalehke wa bood ha pyrdi ka Mookyrdup SC wa ka Salini SC, ka Mookyrdup da jop ko da 27-22 point. U Darishngain Kyndait da yoh u thap 15 point neiliang ka Mookyrdup katwa neiliang ka Salini ym em wa yoh u thap 10 point cha neiñ.
Ka Ladthadlaboh ka wa da yang Final, daw yachem ko wa kiwa jop ha pyrdi ka 7 Wasa wa ka Newhill SC ka wow pynman mynstep heipor 10:30 i step.
Ka Ladthadlaboh daw yaleh biang ko sa chisien mynstep pyrchah ya ka Salini SC heipor 12 waje pyrdi sngi.
Discussion about this post