Ka lympung yalehbol Elaka Lakadong Knockout Football Tournament 2021-22 kawa da pynman da ka Elaka Lakadong Sports Association (ELSA) ha ka chnong Borghat, ynnin ka sngi ka Lakadong Ummat wa ka Lama da psiah ki cha ka Final ha kani ka lympung.
Ka chnong Lakadong Ummat da jop ko lyngba ka Penalty Shootout da 3-0 pyrchah ya ka chnong Borghat katwa ka chnong Lama da jop ko leh lyngba ka Penalty Shootout da 3-2 pyrchah ya ka Lakadong Umlatdoh ha ki yalehke Semi Final.
Kani ka yachut Penalty da wan ko hadien wa ha waroh artylli ki yalehke da kut i por yaleh ki da mar 1-1.
Ya ka Final daw pynman ha ka 26-03-2022 ha chnong Borghat heipor 2:00 waje i sngi wei daw em leh ka yakob Penalty Shootout heipor 11:00 waje i step kam wow pynwyrngia ya ki paidbah.
