Jowai: Ki yalehke Semi Final (Second Leg) ka Meghalaya State League (MSL), 2019 kiwa pynman ar tylli ha Mawkyrwat wa ha Resubelpara, da jop ka Rangdajied waka Lajong ynne ka sngi yow rai ya kiwa psiah Final.
Ha Mawkyrwat, ka Rangdajied da jop ko yaka Sutnga da 6-1 (First Leg 0-0), katwa ha Resubelpara, ka Lajong da jop ko yaka Druma Sandruma da 11-1 (First Leg 10-1).
Ka Rangdajied da thap kool ko lyngba u Man of the Match u Aiborlang Khongjee, u Donlad Diengdoh, u Aenam Jyrwa, u Dawanchwa Challam, u Stephanson Pale wa u Wallamsuk Nongkhlaw. Katwa u Amul Chyrmang da thap kool u yaka Sutnga.
Yaka Lajong da thap kool u Phrangki Buam (Man of the Match) uwa thap 6 kool, u Samuel Lyngdoh Kynshi 3 kool wa mar chi kool na u Kenstar Kharshong wa u Dajiedlang Wanshnong. U Bising Marak da thap u yaka chi kool ka Druma.
Ka Final u pynman haka 21 tarik uni u bnai wei daw pynbna yutip chooh chooh ka Meghalaya Football Association chaphang ini ha ki sngi wow wan.
Discussion about this post