Jowai: Ka Tympang SC waka Lummuriap SC da yoh ki u psiah cha ka Final yong ka Inter Dong ka Wahiajer, West Jaiñtia Hills wada pynman kam chibynta wow kyntu kynrong ya ki khynroo ha kani ka yalehke Football.
Haka yakhun Semifinal wa nyngkong da yaleh hapyrdi ka Mainroad SC pyrchah yaka Tympang SC heiwa ka Tympang SC da jop ko da 3-2, ya ki kool ka Tympang da thap da u Rioo Phawa haka minit kawa 15 wa u Sanyo Dhar ha ki minit wa 55 wa 69.
Katwa ya ki kool ka Mainroad da thap da u Heimon Dkhar haka minit wa 20 wa 48.
Haka yakhun wa ar da jop ka Lummuriap SC ya ka Jalapang da ka ya chut Tie-breaker da 7-6.
Ka yakhun Final yong kani ka yakop u pynman ha kani ka 6 tarik uni u bnai heiwa u Wailadmiki Shylla daw man u kam u kongsan.
Discussion about this post