Ka Umchangiar ynne da jop ko ha ka yakhun Semi Final wa nyngkong yong ka lympung yalehke Open to All T20 Cricket Tournament 2021 wa da pynman daka All Jaiñtia Cricket Association ha madan Jrisaleiñ, Jowai ynne ka sngi.
Ha kani ka yakhun Semi Final, ka Umshangiar da yachem ko wa ka 4-Mowkaiaw United, heiwa ka Umshangiar da jop ko yaka 4-Mowkaiaw United da 6 Wicket.
Ya ka kylla khlem da jop da ka 4-Mowkaiaw United wei da jied ko wow Bat nyngkong.
Ka 4-Mowkaiaw United da ye ko wow kamai 146 Run na ki 20 Over deiwa dooh ko 8 Wicket. U Markini Lathong da kamai u 24 Run (3×4), u Bundaki Lathong won da ye u kamai 19 Run (3×4 wa 1×6). U Sate Bareh, u Heipormi Laloo wa u Teilang War yong ka Umchangiar da yoh ki wow pynhaap mar 2 Wicket na ki 4 Over.
Ka Umchangiar hawa beh yei thong da ye ko u yoh 147 Run na ki 18.4 Over deiwa dooh 4 Wicket. U Marshall Pariat da kamai u 60 Run (9×4 wa 3×6), u Dauru Lato da yoh u 28 Run (5×4 wa 1×6), u Teilang War won da yoh u 27 Run (2×4 wa 2×6). U Balambha Shadap yong ka 4-Mowkaiaw United da yoh u pynhaap 2 Wicket na ki 3 Over.
Ka Umchangiar da yoh ko u psiah cha ka Final wei u yachem ko wa kawa jop haka Semi Final wa ar hapyrdi ka Rising Star waka Khliehtyrshi Sports Club kawa daw pynman haka 10-04-2021.
