Ka 13th Chatister Kharkongor Memorial Trophy kawa man leh ka 1st Division Football Tournament 2025 ka West Jaiñtia District Sports Association (WJDSA) da pyndep ko ya ka yalehke Semi Final wa ar ynne.
Ha ka yalehke wa da pynman, ka Madan Thadmuthlong SC da jop ko ya ka Lion Sports & Youth Affairs da 3-1 yow psiah Final.
Ya ka Madan Thadmuthlong da thap kool da u Precious Tang ha ka minit wa 1 wa 73 wa u Pyniaidmiki Tang ha ka minit wa 18 katwa ya Lion Sports & Youth Affairs da thap da u Edius Laloo ha ka minit wa 51.
Kamtæ ka Madan Thadmuthlong u yachem Final ko wa ka Dulong heiwa ya ka tarik daw pynbna won hadien.
Ynne da pynman leh ka yalehke ka 1st Women’s League Football Tournament 2025 heiwa ka Carpe-Diem da jop ko ya ka Spahmariang da 3-0 da ki kool wa thap ka Daphi Dkhar ha ka minit wa 9 wa 43 wa ka Elizabeth Thianglai ha ka minit wa 35.
Discussion about this post