Ka Ummulong CC da yoh ko wow psiah Final ha ka District Cricket League 2025 wa pynlai da ka West Jaiñtia Hills District Cricket Association deiwa pynrem ya ka Mupliang SC da 6 Wicket ha ka Semi Final wa ar ynne ka sngi.
Ya ka kylla khlem da jop da ka Ummulong kawa da jied wow kawang bol chwa heiwa ka Mupliang ym ye ko wow kamai boon deiwa yoh du 56/10 na ki 17.3 Over deiwa pnah kiwa kawang bol ka Ummulong.
U Oniwanker Sna da kamai boon dooh u deiwa yoh 13 Run na ki 22 bol deilang kawi ka 4 Run wa u Sandy Kharshandi uwa da kamai 10 run na ki 21 bol wei kini man ki du ki ar ngut kiwa ye u yoh 10 Run chaneiñ. Na kiwa kwang bol ka Ummulong, u Heimonlang Lyngdoh wa u Carefully Gassah da yoh ki wow pynhaap mar 3 Wicket samen.
Ka Ummulong hawa beh ya ka thong da yoh ko 60 Run du na ki 5 Over deiwa dooh 4 Wicket. U Sylvester Mylliempdah da yoh u 16 Run na ki 12 bol deilang wa le tylli ki 4 Run wa u Rejoice Gassah uwa da yoh 16 Run na ki 7 bol deilang kawi ka 6 Run wa ar tylli ki 4 Run. Na kiwa kawang bol ka Mupliang, u Defender Dhar wa u Sandy Kharshandi da yoh ki u pynhaap mar 2 Wicket na ki 2 Over.
U Heimonlang Lyngdoh, yong ka Ummulong CC uwa lehbha hawa kawang bol wei yang bol (Fielding) da yoh u yei naam Man of the Match.
Kam wow pynkynmoo wa ha ka Semi Final wa nyngkong, ka Mowkaiaw CYC da pynrem ko ya ka West Jaiñtia Police CC da 14 Run yow yoh ko u psiah cha ka Final. Kamtæ ka Final u man ko hapyrdi ka Mowkaiaw CYC pyrchah ya ka Ummulong SC (kawa man leh ka Champion yong u snem 2024) kawa daw pynman ha ka 21 tarik uni u bnai heipor 8:30 i step.
Ya ka Digital Live Score yong kani ka Final ye phi u pait ha https://cricheroes.com/tournament/1406553/wjhdca-district-cricket-league-2025
Discussion about this post