Psiah ka India cha ka Final ka ICC Women’s World Cup deiwa kdong ya ka thong wa 339 Run

Ka India da jop ko ya ka Australia da 5 wicket ha ka yakhun Semi Final ka ICC Women’s World Cup 2025 ha DY Sports Academy, Navi Mumbai ynnin ka sngi.

Ka India kattu u yakhun ko ya ka Final pyrchah ya ka South Africa ha ka 2 tarik u Khonchonglad (Nov).

Ka India da beh ko ya ka thong wa heh dooh ha ka ODI ki kynthai iwa man 339 Run heiwa ha ka 48.3 over ka Jemimah Rodrigues da tied boon dooh ko deiwa yoh 127 run na ki 134 bol.

Hawa sdang, ka India da dooh ko ya ka Shafali du 10 Run ha ka Over wa ar wei heitæ da mih ka Smriti Mandhana wa ka Jemimah kiwa da tied 24 Run.

Related posts

Pdengshakap Football Tournament: Psiah Final ka Kemidon FC

March 22, 2026

District Cricket League: Jop ka Moodymmai SU wa ka Chutwakhu SC

March 21, 2026

Hadien ini da yoh lok ka Jemimah wa ka Harmanpreet kiwa da kamai boon Run bha.

Ka Harmanpreet da dooh ko ya ka Century hadien wa haap ko deiwa yoh 89 Run na ki 88 bol heiwa deilang da kamai ki 167 Run.

Ka Jemimah da neh ko hawa kut heiwa da yoh lok ko wa ka Deepti Sharma kawa da kamai 24 Run wa ka Richa Ghosh won 26 Run.