Jowai: Ka YBSC Shella da psiah ko cha ka Final yong ka 5th Mawryngkneng Invitation Knockout Football Tournament 2019 hadien wa da jop ko yaka Braveheart FC kawa na Mawryngkneng, haka yalehke wa pynman haka 19 tarik uni u bnai.
Ha ka minit wa 28 yong ka kylla step ka YBSC da yoh ko wow thap kool lyngba u P. Kharbih kawa da neh hadooh wa kut ka kylla step. Ka kylla miet won da man ko ka yong ka Braveheart tangwa nei chkeh uwa yang kool ka YBSC da ye u wow khanglaad yaka Braveheart iwa da pynkthang ya kiwa kyrchaan ka Braveheart tangwa haka minit wa 88 ar minit chwa wow kut ka yalehke, ka Braveheart da yoh ko wow su kylliang lyngba ka Penalty hadien wa uwa yalehke ka YBSC da pynur u ya uwa yalehke ka Braveheart hapoh ka Penalty Box wei yaka kool da thap da u B. Wahlang.
Hadien wa kut i por da pynman saka Extra Time heiwa ka kylla step da kut ko khlem em wa thap kool wei haka kylla miet yong ka Extra Time, ka YBSC da yoh ko wow thap kool lyngba u Emerson Nongrud ha ka minit 115 wei wow pyntikna ya i naam jop, u Shanbor Jyrwa da thap u yaka kool wa khaddooh haka 120 minit.
Ha kani ka yalehke, u Figo Syndai yong ka YBSC da yoh u yei naam Man Of the Match.
Kamtæ ka YBSC Shella u yachem Final ko waka Pomlahier SC ka wow pynman haka 26 tarik uni u bnai heipor 1:30 i sngi ha Mawryngkneng Stadium.
Hawa pait won cha ka Mawryngkneng Super Cup, ka Pomlahier SC da poi ko cha ka Final hadien wa da ye ko wow pynrem ya ka Mawmang SC lyngba ka Tie-breaker wei daw yakhun ko waka Thad Nongtyrkhang Nonghali ha i por 11:30 i step ka 26 tarik uni u bnai ha madan Stadium Mawryngkneng.
Discussion about this post