Ar ngut ki chipai yada pood ka Bangladesh kiwa tip kam ki Border Guard Bangladesh (BGB) ha ka 7 tarik uni u bnai da psiah ki chapoh ka chnong Rongara, South Garo Hills khlem i daw wei khlem da yoh bor.
Neiliang kiwa chong chnong da mih ki wow beh ya kini ki chipai ka BGB kiwa da khyrngiat wow yoo ya kini ki chipai hapoh ka chnong yong ki.
Kamtæ ynnin ka sngi neiliang u IG ka BSF Meghalaya Frontier, u Pradip Kumar da pyntip u wa da pynman da ka Flag Meeting heiwa u Commander ka BGB da kular u wow pynchitom ya kini ki arngut kiwa da psiah pyrchah ya ka aiñ chapoh kani ka chnong.
Ki BGB da pyntip ki wa kini ki chipai da leh bakla wei neiliang ka BSF da kular ko ya kiwa chong chnong wow yada ki.
Kani ka chnong toh kawa jan bha wa u Zero Line wei ye u man i daw wa poi ki chipai ka BGB chapoh kani ka chnong.
Ha kani ka thaw wa jan bha wa u pood da em kamwa 80 ngut kiwa chong chnong.
