Ka Passing Out Parade ka MLP K-9 Unit da pynman ynne ka sngi ha madan PTS Campus warim wa em ha Mawroh, Shillong neibynta ki ksaw pulit kiwa da dep yoh sikai yow psiah kreh thymme wow yarap ya ki pulit.
Kini ki ksaw toh kiwa da dep sikai yow tip u thooh ya ki tiar tympdung, ki drugs wa kiwi de.
Ya kani ka Passing Out Parade da wan wow sakhi da u Dr. L R Bishnoi, DGP ka Meghalaya kam u kongsan deiwa emlang u O Pasi, Inspector General of Police (CID), Meghalaya.
Neiliang ka S. Das, Spl. Superintendent of Police (CID), Meghalaya da khana ko chaphang ini iwa da e sikai ya kini ki ksaw.
Da pynyoo leh yei sap kini ki ksaw ya iwa da ye ki wow leh hadien wa dep e sikai. Wei waroh da em 12 tylli ki ksaw kiwa da yoh sikai 9 bnai wa 6 bnai.
