Psiah Niamtre kawi ka manyung wa le tylli ki manyung cha ka Raij Jowai

Jowai : Ynnin ka 24 tarik heistep kamwa 8:00 ha Yung Langdoh, Loomiongkjam, Jowai da pynman ya ka lehniam kawa kyntang wei kawa kyrpang kawow sahkynmoo ha ki soo tylli ki manyung pateiñ la pateiñ hadien wada psiah Raij Jowai ki le tylli ki manyung wei psiah Niamtre kawi.

Ha kani ka step ha Yung Langdoh da pyllai yaka lehniam da u Dolloi ka Elaka Jowai, u ma Puramon Kynjiñ heiwa da e yow tylli u kyntien da u Langdoh waka Langdoh yeiwa da pynbood sei e pyrnah ha u klong skoo ki soo kur cha u Dolloi, u Pator, U Langdoh wa ki le Sangot katwa uwi da ksoh da u kñi ka yung ka sem.

Related posts

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Da yoh won yei ngooh i dem wei dep i ngooh i dem da yoh yei klam na u kñi, ka kchu ka siang wa u chongkha yong kawi pa kawi ka manyung.

U kñi ka Raij Jowai u ma Lamwan paswet da e u ya ki kyntien Kyrsu Kyntu ya kini ki manyung wei da yoh leh yei klam na u President ka Seiñ Raij Jowai u ma OR Challam.

Hadien ini da e ya ka pliang nar, u luta, klong blai (klong skoo) cha kini ki soo tylli ki manyung. Neiliang u Pator ka Elaka u ma Raymon Nartiang da e u ya ki kyntien makhane ya waroh kiwa em ha kani ka lehniam.

Kani ka lehniam man ko ka sien wa ar wada leh kani ka lehniam wei nyngkong da leh yaka ha ka 25 Wisu (March) yong uni u snem heiwa da psiah Raij Jowai ki ar manyung kitæ na ka kur Papiah wa Dkhar katwa da psiah Niamtre won chiyung katæ na ka kur Pasleiñ.

Ha kani ka kynti ka kur Phawa da psiah Niamtre ki toh dei mon yong ki hi khlem chah pynbor wei nachwa jooh em ki ha ka Niam Kristan.

Da pyntip leh wa daw pynman ya kani ka lehniam psiah Raij psiah Niamtre manla u bnai.

Ki manyung wada psiah Raij psiah Niamtre man ki kamni hawah :

1. Ka kur Sutong na Dulong
U kñi u Rio Sutong.
Ka kchu ka siang  ka Rimap Sutong.

2. Ka kur Dkhar na Dulong
U kñi u Ladwan Dkhar
Ka kchu ka siang ka Bless Dkhar

3. Ka kur Law na Dulong
U kñi u Hamjngai Law
Ka kchu ka siang ka Anuma Law

4. Ka kur Phawa na Loomiongkjam
U kñi u Dawanlang mi Phawa
Ka kchu ka siang ka Rosa Phawa
(kani ka kur kawa psiah Niamtre heijooh i por psiah ko leh cha ka Raij Jowai)