Psiah phainal ka Lumiawmuchai Changpung wa ka Lumpyrdi Mihmyntdu ha ka 3rd Division

Jowai: Ha ka iakhun semiphainal wa nyngkong ynne ka sngi ha pyrdi ka Lumiawmuchai Changpung SC wa ka Mooralong SC da jop da ka Lumiawmuchai da 2-0. Ka Lumiawmuchai mar ia sdang ka ia kynjet bol ioh wot ko u thap ia ka kol wa nynkong ha ka minit wa 2 iong ka ialehke da ka kol iong u Bantei Chullet. Hadien kani ka kol wa nyngkong da ioh lad ko boon ki lad u thap kol tangwa ym ke ki u pynkhih ia ka jar hadooh wa poi ka minit wa 69 dei wa ioh u Pynhoimi Chullet u thap ia ka kol wa ar.

Ka ialehke ynne ka sngi da yo wa khlan bha ka Lumiawmuchai heiwa boon ka bol neh ko ha ki kjat iong ki player iong ka. Duna hi eh ko ia ki nongthap kol wa biang u pynkylla ia ki lad wa ioh ko cha ki kol.

Ha ka semifinal wa ar ha pyrdi ka Lumpyrdi Mihmyntdu wa ka Changpung Moolibang da jop da ka Lumpyrdi 2-1. Ka Changpung da ioh ko u pyntam chaw chi kol ha ka minit wa 9 da ka kol wa thap u Rapdame Papang. Ka Lumpyrdi da ioh ko u su kylliang won chwa u kut ka kylla step ha ka minit wa 44 da ka kol wa thap da u Shabi Phawa. Ha ka kylla miet ha ka minit wa 52 da ka kol na u Biangwan Ryngkhlem ka Lumpyrdi Mihmyntdu SC da ioh ko u kam ia i thaw iong ka ha ka phainal pyrchah ia ka Lumiawmuchai Changpung SC.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ia ka tarik iong ka painal daw pyntip ha kini ki sngi wa daw wan.