Psiah Quarter Final ka Mookyndur ha ka 3rd Division ka 7 Wasa cha ka Final ka Super Division

Jowai: Ynne ka sngi ha ka 3^rd Division da pteiñ ya ki yalehke Pre Quarter Final hapyrdi ka Mookyndur waka Nangbah.

Ha kani ka yalehke ka Mookyndur da pynrem ko ya ka Nangbah Pohshnong da 7-2.

Ya ka Mookyndur da thap kool da u Jomsing Pariat ha ka minit wa 15, 50 wa 62, u Gomeshroy Suting ha ka minit wa 35 wa 75, u Arwan Phawa ha ka minit wa 45 wa u Batskhem Mukhim ha ka minit wa 70.

Ya ka Nangbah Pohshnong won da thap kool da u Noblemi Ryngkhlem ha ka minit wa 61 wa u Gabriel Siangshai ha ka minit wa 76.

Related posts

3rd Division EJHDFA: Psiah Semi ka Narwan wa ka Suchen Lumiarain

August 1, 2025

2nd Division EJHDFA: Ki liang wa da yoh u psiah Quarter Final

July 30, 2025

Kamtæ ka Mookyndur da psiah Quarter Final ko.

Ha ka Super Division ynne ka sngi da pynman ya ka yakhun Semi Final hapyrdi ka 7 Wasa United pyrchah ya ka Khimusniang.

Ka 7 Wasa da jop suk ko da 5-0 wei da psiah Final ko.

Ya ki kool ka 7 Wasa da thap da u Niponghi Sumer ha ka minit wa 6 wa 79, u Felixson Bang ha ka minit wa 29 wa 86 wa u Simion Suchiang ha ka minit wa 76.

Ka Khimusniang won da psiah ko cha ka 2^nd Eliminator Semi Final Match iwa mut wa dang ye ko u psiah cha ka Final lada ye ko u pynrem ya kiwa jop ya ka 1^st Eliminator hapyrdi ka Mynthong waka Sabah Muswang.

Mynstep ka 4 tarik ki yalehke ha ka 3^rd Division u pynman ya ka Pre Quarter Final hapyrdi ka Myrjai waka Dongmihsngi heipor 12 waje pyrdi sngi.

Ha ka Super Division daw pynman ya ka 1^st Eliminator Semi Final hapyrdi ka Mynthong waka Sabah Muswang heipor 2 waje i sngi.