Mawryngkneng: Ha ka yalehke wa nyngkong yong ka Pre-Quarter Final ka Mawryngkneng Invitation Football Tournament (MIFT) 2018, ka Rangdajied United FC da psiah ko cha ka Quarter Final deiwa pynrem ya ka Mawkasiang SC da 1-0 ha ka yalehke wa pynman haka 23 tarik uni u bnai.
Ya ka kool yong ka Rangdajied United FC da yoh u thap lyngba ka Penalty ha chwa wow kut i por yalehke.
Ya kani ka Penalty da toh hadien wa uwa yalehke wa yang dien ka Mawkasiang da woh u yei kjat uwa yalehke ka Randajied hapoh ka Goal Box kawa pynman ya u Referee wow kdaw cha ka thaw chut Penalty heiwa u Captain ka Rangdajeid khlem bakla da thap u ya ka kool.
Ha kawi won ka yalehke wa khaddooh yong ka Round wa nyngkong hapyrdi ka Gorkha Football Association pyrchah ya ka Moodymmai SC, ka Gorkha Football Association da jop ko da 4-3 kool lyngba ka Tie-Breaker.
Ki yalehke Pre-Quarter Final wa ar wa kawa le u pynman ha kani ka 26 tarik heipor 1 waje hapyrdi ka Marbisu SC pyrchah ya ka Pohkseh SC wei heipor 3 waje ka Mawryngkneng U-19 u yachem ko ya ka 7 Wasa na Jowai, West Jaiñtia Hills.
Discussion about this post