Psiah Quarter Final ka Riatsaliya Mihmyntdu wa ka Mookymphad ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da ptieñ ko ya ki yalehke Pre-Quarter Final ynne ka sngi da ar tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Mookymphad SC da jop ko ya ka Saindur Mihmyntdu da 5-1.

Ya ka Mookymphad da thap da u Humbertson Rymbai ha ka minit wa 25, u Wailad Shylla ha ka minit wa 38, u Honesty Phawa ha ka minit wa 42, u Jerry Dhar ha ka minit wa 57 wa u Kenal Dkhar ha ka minit wa 77 katwa ya ka Saindur Mihmyntdu da thap da u Dapyrkhat Suchiang (Own Goal) ha ka minit wa 64.

Ha ka yalehke wa ar, ka Riatsaliya Mihmyntdu da jop ko ya ka Lumsliarsliar Mupliang da 2-1. Ya ka Riatsaliya Mihmyntdu da thap da u Meban Kharsotti ha ka minit wa 17 wa 65 katwa ya ka Lumsliarsliar Mupliang da thap da u Spain Rymbai ha ka minit wa 42.

Da ini i jop, ka Mookymphad wa ka Riatsaliya da yoh ki wow psiah Quarter Final.

Related posts

Jop ka Tluh wa ka United Biate ha ka Women’s League ka SBSA

September 16, 2025

Tyrchaaiñ kiwa pnyoo dohksah ka Satar Gym Ummulong ha ka Mr & Ms Meghalaya 2025

September 15, 2025

Ha ka 2^nd Division, ka NSA da jop ko ya ka Panaliar da 5-1.

Ya ka NSA da thap da u Teibor Lamare ha ka minit wa 20 wa 27, u Ram Hadia ha ka minit wa 43, u  Heini Pasi ha ka minit wa 53 wa u Angel Dhar ha ka minit wa 67 katwa ya ka Panaliar da thap da u Iatha Phira ha ka minit wa 60.