Ka Seng Samla Pyllongingkhaw da yoh ko u psiah Quarter Final haka 6th Invitation Wahiajer Football Tournament 2022 wa pynman da ka Maya Sport Club ha Wahiajer hi.
Ka Seng Samla Pyllongingkhaw da jop ko ynne ya ka Mukhla Mission da 2-0 da ki kool wa yoh u thap da u Pyntgen Nongrum wa na u Jyndang Mukhim.
Ya i naam Man of the Match da yoh rah da u Pyntgen Nongrum iwa da saam da u Andrew Sari uwa man leh u General Secretary ka chnong Wahiajer.
Ka yakhun Pre Quarter wa bood u man ko ha kani ka 8 tarik heipor 2:00 waje i sngi hapyrdi ka Lamare SC waka Maitchaphrang FC.
