Ka YBSC Shella da jop ko ya ka Saw Aiom FC da 3-0 ha ka 6th Invitation Wahiajer Football Tournament 2022 wa da pynman daka Wahiajer Sport Club ha Wahiajer hi.
Da ini i jop, ka YBSC Shella da yoh ko u psiah Quarter Final ha kani ka Tournament heiwa ya ki kool da thap da u Naresh Laitmon haka minit wa 32, u Lucky Warjri haka minit wa 73 wa u Reebok Kharbuki ha ka minit wa 76.
Yei naam Man of the Match da yoh rah da u Bankyrshan Syiemlieh naka YBSC Shella wei ya ka khusnaam da saam da u Hillel Susngi uwa man u Tournament Secretary.
Ka yakhun wa bood u man ko haka 12 tarik uni u bnai hapyrdi ka Ehrngiew FC pyrchah yaka Lurshai Larnai SC heipor 2:00 waje i sngi.
