Ka 3rd Division 2025 ka East Jaintia Hills District Football Association (EJHDFA) ynne da sdang ko ya ka Knockout Stage deiwa pynman ar tylli ki yalehke.
Ka yalehke wa nyngkong hadooh wa kut i por da man ko 1-1 hapyrdi ka Youngstar SSC Huroi wa ka Tuber Chohchrieh. Ya ka Youngstar da thap da u Wallamborlang Lamin Gadew ha ka minit wa 30 katwa ya ka Tuber Chohchrieh da thap da u Ribait Bang ha ka minit wa 77.
Kamtæ yow rai ya kiwa jop da pynman da ka yachut Tie-Breaker heiwa da jop ka Youngstar da 4-2.
Ha ka yalehke wa ar, ka Narwan SC da jop ko da 2-1 ya ka Tongseng YSC. Ya ka Narwan da thap kool da u Miki Suiam ha ka minit wa 18 wa u Thomas Langstang ha ka minit wa 72 katwa ya ka Tongseng da thap da u Deibormi Shadap (OG) ha ka minit wa 70.
Kamtæ ka Youngstar wa ka Narwan da yoh ki wow psiah Quarter Final.
Discussion about this post