Psiah Quarter Final sa ka Moolibang, Mookyrdup, Khliehmyntang Ialong, Ladthadlaboh, Sabah wa ka Wahiajer ha ka Independence Cup

Jowai: Ki yakhun yaknieh psiah Quarter Final ha ka Independence Cup U-16 2017 dang pteiñ ya ki ynne ka sngi heiwa da pynman 6 tylli ki yalehke.

Ha ka yalehke wa nyngkong ka Moolibang Shangpung da pynrem ko ya ka Lumkyrwiang da 3-0. Ya waroh 3 tylli ki kool da thap u Sonidabiang Iakai ha ka minit wa 48, 54 wa 60.

Ka Chutwakhu won da pynrem ko ya ka Mulang Ialong da 3-1. Ya ki kool ka Chutwakhu da thap da u Ohilari Kamar ha ka minit wa 4, u Othaniel Felix Lytan ha ka minit wa 18 wa u Bhabok Kharkongor ha ka minit wa 20 min. Ya ka Mulang da thap kool u Pynskhemlang Mulieh ha ka minit wa 8.

Ka Mookyrdup da pynrem ko ya ka Lumpariat by 2-1. Ki kool ka Mookyrdup da thap da u Mebanialang Suchiang ha ka minit wa 11 lyngba ka Penalty wa u Edibormi Myrchiang ha ka minit wa 58. Ya ka kool wa samen ka Lumpariat da thap da u Ialambhamiki Lyngdoh ha ka minit wa 38.

Related posts

Super Division: Jop ka Demthring ya ka 7 Wasa, khlem wa jop hapyrdi ka Mukhla wa Lumiawmuchai

November 27, 2024

Super Division Saipung: Jop ka Lamyrsiang ya ka Jalaphet Bri Sumer

November 26, 2024

Hapyrdi ka Khliehmyntang Ialong pyrchah ka Khimusniang da kut ko 2-2. Ya ki kool ka Khliehmyntang da thap u Sunidonhi Rymbai ha ka minit wa 15 wa u Meban Kynsai ha ka minit wa 51. Ya ka Khimusniang da thap da u Allandonal Paslein ha ka minit wa 48 wa uSamedonhi Dkhar ha ka minit wa 58.

Ka Ladthadlaboh da pynrem ko ya ka Mookyndur da 2-1. Ya ka Ladthadlaboh da thap da u Last Born Syngkon ha ka minit wa 13 wa ha ka minit wa 59. Ya ka Mookyndur da thap da u Bantei Pariat ha ka minit wa 45.

Ha ka yalehke wa khaddooh haprydi ka Wahiajer wa ka Sabah, ka Wahiajer da jop ko da 2-0. Ya ki kool da thap da u Reformer Pale ha ka minit wa 4 wa u Cleverson Lyngdoh ha ka minit wa 9.

Na kini wa yalehke ynne ka sngi, ka Moolibang, Mookyrdup, Khliehmyntang Ialong, Ladthadlaboh, Sabah wa ka Wahiajer da yoh ki u psiah Quarter Final.