Ka Azariah FC da man ko sa kawi ka liang wa psiah Psiah Quarter Final ha ka 6th Invitational Wahiajer Football Tournament wa pynman da ka Wahiajer Sports Club ha Wahiajer hi hadien wa pynrem ko yaka Iawmulong Nartiang da 1-0 ynne ka sngi.
Ya ka kool ka Azariah da yoh thap da u Knerktilang Buam ha ka minit wa 56 uwa da yoh leh yei naam Man of the Match iwa da saam da u Heimonmi Dkhar uwa man u Executive Member ka Wahiajer Sports Club.
Ka yakhun wa bood u man ko ha ka 21-03-2022 kawa man leh ka yakhun Quarter Final wa nyngkong hapyrdi ka Lamare SC waka Brimmed FC heipor 2:00 waje i sngi.
