Ka Mawmang FC waka Blue Bumber FC da yoh ki u psiah Quarter Final ha Wahiajer ha ka lympung yalehbol wa da pynman daka Wahiajer KSU Unit.
Ha ka yakhun wa nyngkong kawa da man hapyrdi ka Para I FC waka Blue Bumber FC, ka Blue Bumber da jop ko yaka Para I FC da 2-0 da ki kool wa thap da Denzil Kharshandi haka minit wa 23 wa na u Stephanson Pale haka minit wa 68.
Haka yakhun wa ar da man ko hapyrdi ka Thadlasakien Veteran pyrchah yaka Mawmang FC heiwa ka Mawmang kawa na Mawrygkneng da jop ko da 1-0 da ka kool wa da yoh thap da u Banker Mynsong haka minit wa 37.
Ki yakhun Pre-Quarter wa bood u man ki mynstep ka sngi heiwa heipor 1:00 waje i sngi, ka Lamin SC daw yachem ko waka KSU Moopyut Unit, katwa heipor 3:00 waje won, ka Lumsoiung A daw yachem ko waka Lumsoiung B.
