Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da ar tylli ki yalehke ha madanbol ka Khliehtyrchi kiwa man leh kam ki yalehke wa khaddooh ka Second Round.
Ha ka yalehke wa nyngkong, ka Takhniang SC da jop ko yaka Maya Club Wahiajer da 3-1. Ya ki kool ka Takhniang da thap da u Pynshai Dkhar haka minit wa 7 wa 50, u Marius Muksor haka minit wa 59 katwa yaka Maya Club Wahiajer da thap kool da u Kynmo Pala haka minit wa 57
Ha ka yalehke wa ar, ka Nongkhroh Rim da jop ko yaka 90’s FT da 4-1 dei wa yachut Tie-Breaker hadien wa kut ka yalehke da 2-2. Ya ka Nongkhroh Rim da thap kool da u Chwadao Kharsati haka minit wa 37, u Saiñ Siangshai haka minit wa 53, katwa ya ki kool ka 90’s FT da thap da u Pyndap kharmuti haka mint wa 4 (Penalty) wa u Enriquo Pariat ha ka minit wa 7.
Ki yalehke Quarter Final u sdang ki ha kani ka 10 tarik hapyrdi ka Thadlaskein Veteran waka Kyor Tyrkhang heipor 12:00 waje pyrdi sngi wei daw pynbood da ka United XI Moodymmai waka Tympang Club Wahiajer heipor 2:00 waje i sngi.
Discussion about this post