Psiah Semi Final ka 7 Wasa ha ka Meghalaya State League

Jowai: Ha ki yalehke ka Meghalaya State League (MSL) wa pynman ha Jowai ynne ka sngi, ka 7 Wasa da psiah Semi Final ko deiwa pynrem ko ya ka Umladthkur da 7-1.

Ka 7 Wasa da sdang ko u thap kool nadooh ka minit wa 17 da kawa thap u Felikson Bang, u Depok Chetri ha ka minit wa 22, Felixson Bang ha ka minit wa 23, u Niwan-O-Gatphoh ha ka minit wa 31, u Amrose Synkli ha ka minit wa 43, u Niwan-O-Gatphoh ha ka minit wa 71 wa u Samehi Ryngki ha ka minit wa 90+2. Ya ka Umladthkur won da thap u Juhmi Buam ha ka miit wa 37.

Ha ka Semi Final wow pynman ha ka 27 tarik heipor chi waje i sngi ha Jowai, ka 7 Wasa u yachem ko ya ka Druma Sanduma kawa na ri-loom Garo.

Ha ka yalehke wa bood ynne ka sngi, ka Umkiang da pynrem ko ya ka Jalaphet Lumsachram da 2-0.

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ya ki kool da thap u Isneilang Dkhar ha ka minit wa 24 wa u Ebordame Lamare ha ka minit wa 34.

Mynstep ha Jowai, ka Raliang u yachem ko waka Jalaphet Lumsachram heipor 11 waje i step, katwa ka Umkiang u yachem ko waka Umladthkur heipor 2 waje i sngi.

Ha kiwi tawon ki yalehke, ha Kurkalang ka Shilliang Umdoh da pynrem ko ya ka Pyndem Umbri da 4-1, ka yalehke haprydi ka Rangdajied United pyrchah ya ka Langsning da kut ko 0-0.

Ha Mairang won ka Tynrongmawsaw da pynrem ko ya ka Mawten 1-0, ka Madan Bynter da pynrem ko ya ka Malki da 2-1.

Ha Ampati, ka A Tong Matgrik da pynrem ko ya ka Ampati da 1-0, ka Druma Sandruma da pynrem ko ya ka Resu Conventus da 5-0.

Ha ka wi won ka Semi Final ha ka 27 tarik daw pynman hapyrdi ka Langsning pyrchah ya ka Tyngtongmawsaw ha Kurkalang heipor chi waje i sngi.