Jowai : Ha ka yakhun Quarter Final yong ka 3rd Division da pynyaleh ynne ka sngi hapyrdi ka Khliehmynkrem wa ka Mooralong ha Kiang Nangbah Stadium.
Ha kani ka yakhun ka Kliehmynkrem da jop ko 4-0 lyngba ki kool na u Bhalang Phawa ha ka minit wa 18 wa 50, u Ebor Dkhar ha ka minit wa 53 wa na u Lang Dkhar ha ka minit wa 68 na ini i jop ka Kliehmynkrem da psiah Semi Final ko.
Ha ka yakhun 1st Division hapyrdi ka Panaliar wa ka Lumpyrtuh Mihmyntdu ka Panaliar da jop ko da 2-1.
Ya ka kool ka Lumpyrtuh Mihmyntdu da thap da u Pynskhemlang Thawmuid ha ka minit wa 4 ya kawa da su won ka Panaliar lyngba u Edison Shylla ha ka minit wa 22 wa na u Samitre Laloo ha ka minit wa 55.
Discussion about this post