Shillong: Ka Meghalaya da psiah Semi Final ko haka Sub-Junior National Football Championship Final Round deiwa pynbaam yaka Punjab da 6-0 haka Group A wa pynman ha Kalyani, West Bengal, ynne ka sngi.
U Jony Bakordor Nongkhlaw da thap kool nyngkong u yaka Meghalaya haka minit wa 11 deiwa thap yaka Corner u Samchaphrang Lato wei hadien 5 minit u da thap kool sa u Daminot Wahlang.
U Colinsalmon Lyngdoh da chah Foul u hapoh ka Penalty Box haka minit wa 28, wei da chim yaka Penalty da u Samlang Rympei uwa da thap yaka kool.
Hadien kamwa 10 minit u Baniatyllilang Mawkhiew, da thap u sa chi kool yow pynkut yaka kylla step da 4-0.
Haka kylla miet ka Meghalaya da yoh ko wow thap sa ar kool kawa da thap nyngkong u Lato daka Penalty haka minit wa 56.
Haka 60 minit da thap kool u Wanboklang Wahlang yow pynkut yaka yalehke da 6-0.
Ka Meghalaya daw yaleh ko sa chisien pyrchah yaka Odisha haka 28 tarik haka Group yong ki tangwa da yoh chwa ko wow psiah chaka Semi Final da ini i jop ynne ka sngi.
Discussion about this post