Jowai: Ynne ka sngi ka yakhun Quarter Final yong ka 5th Invitation Knockout Football Tournament ha Wahiajer da pynman hapyrdi ka MLP waka Ummulong SC.
Ka MLP da jop ko yaka Ummulong da 3-0 wei ya ki kool ka MLP da thap da u Salseng Sangma haka minit wa 30 minit, u Lalthura Ngamtei haka minit wa 48 wa u Raja Shadap haka minit wa 75.
Da ini i jop ka MLP u yachem Semi Final ko kattu waka Ryntih SC ha ka 19 tarik uni u bnai heipor chi waje i sngi.
Ya i naam Man of the Match ynne ka sngi da yoh da u Donbok Khyndeit uwa yalehke ka MLP wei yaka khusnaam da saam da u MLA ka Jowai u Wailadmiki Shylla.
Ka Semi Final wa nyngkong u pynman haka 13 tarik uni u bnai heipor 2 waje i sngi hapyrdi ka Combine FC pyrchah yaka Mawmang SC.
Discussion about this post