Psiah Semi Final ka Mootyrchiah, ka Mookyndeng waka Mookyrdup haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, da sdang noh ya ki yakhun Quarterfinal nadooh ka 14 tarik uni u bnai ha Madan Kiang Nangbah, Jowai.

Ha ka 14 tarik, ka Maitchaphrang Mootyrchiah da jop ko ya ka Nonglatem da 3-1. Heiwa ya ka Nonglatem da thap kool da u To My Lamare haka minit wa 2 katwa ya ka Maitchaphrang Mootyrchiah da thap kool da u Dapnaki Lamare ha ka minit 53, u Teiborki Ymbon haka minit wa 69 wa u Sambor Tang haka minit wa 73.

Ha ka 16 tarik won, ka Madankynsaw Mookyndeng da jop ko yaka Mawsiang FC da 3-1. Ya ka Madankynsaw Mookyndeng da thap da u Cornelius Suchiang haka minit wa 14 wa 68 wa u Dangri Phawa haka minit wa 78. Katwa yaka Mawsiang FC da thap da u Ebres Marboh haka minit wa 52.

Related posts

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Jop ka Tyrshang wa Dongmihsngi ha ka 1st Division ka TSA

October 11, 2025

Ha ka yalehke wa bood, ka Mookyrdup da jop ko ya ka Pasyih Cultural Sports Club da 3-2. Yaka Mookyrdup da thap kool da u Nidaiar Kamar haka minit wa 52 wa 54 wa u Denis Passah haka minit wa 66. Ya ka Pasyih Cultural Sports Club da thap kool da u Risuk Siangshai haka minit wa 68 wa u Shiningstar Rymbai haka minit wa 79.

Ka yakhun Quarter Final wa khaddooh u pynman mynstep heipor 2:00 waje i sngi hapyrdi ka Khliehmuchut Shangpung waka Risingsun Mukhla.