Ka Super League yong ka Saipung Block Sports Association (SBSA) kawa da sdang nadooh ka 16-10-21 ha madan yalehke ka Lamyrsiang da poi chadooh ka Round-6 ka yalehke hadooh ka 11-11-21.
Ha katai ka sngi heipor 11:00 waje i step, ka Jalaphet Bri Sumer SC da yachem ko ya ka Pala SC heiwa ka yalehke man ko kawa yoosuk bha kawa da sdang wow thap kool pyn ha ka minit wa 3 da ka Pala SC lyngba u Ferman Lamurong (Jersey 11) tangwa ha ka minit wa 12 ka Jalaphet Bri Sumer SC da yoh ko u pynuiñ ya ka kool lyngba u Rilang Malang (Jersey 11). Ha ka kylla miet ka Jalaphet Bri Sumer da yoh ko wow pynkhih jar biang da u Kerlang Tlang (Jersey 24) wei ka kool wa le won da thap da u Ker Syrti (Jersey 2) yow yoh yei jop da 3-1.
Heipor 2:00 waje i sngi won, da pynman ya ka yalehke hapyrdi ka Narwan SC pyrchah ya ka Jarain SC heiwa ka Narwan da ye ko wow pyntikna ya idæ wow yoh u psiah cha ka Top 4 ha ka Semi Final deiwa jop ya ka Jarain SC da 2-0 kawa da man leh ka yalehke wa 7 sien yong ka.
Ya ki kool yong ka Narwan da yoh wow thap da u Dominic Sungoh (Jersey 8) wa u Living Phawa (Jersey 10).
Hadooh kattæ da em du 2 tylli ki Club, kitæ ka Mulait United FC wa ka Narwan SC kiwa da yoh wow psiah Semi Final (Top 4) wei dang em sa 5 tylli ki Club kiwa dang yaknieh wow yoh psiah cha ka Semi Final ha ki 2 tylli ki thaw wa dang sah.
