Jowai: Ha ka yalehke Under 18 Boys, ka West Jaiñtia Hills wa mihkhmat da ka St. Dominic HS School da yoh ko wow psiah cha ka Semi Final deiwa pynrem ko ya ka South Garo Hills (Baghmara) wei pynya drawn ko wa ka West Khasi Hills (Nongstoin). Kamtæ ka St. Dominic u yakhun Semi Final ko wa ka North Garo Hills (Resubelpara).
Ha ka Under 15 Boys, ka West Jaiñtia Hills wa mihkhmat da ka Chilliangraij Secondary School da yoh ko wow psiah cha ka Semi Final deiwa pynrem ko ya ka Ri-Bhoi District, Nongpoh wa ya ka South West Garo Hills. U yaleh pyrchah ki wa ka East Khasi Hills ha ka Semi Final.
Ha ka Under 15 Girls, ka West Jaiñtia Hills wa mihkhmat da ka Khimusniang SC da psiah Semi Final ko deiwa pynrem ya ka North Garo Hills wa ya ka South West Khasi Hills (Mawkyrwat) wei u yachem Semi Final ko wa ka East Jaiñtia Hills.
Katwa ha ka Under 18, Girls ka West Jaiñtia Hills wa mihkhmat da ka Mookyndur Sports Social and Cultural Club da yoh ko wow psiah cha ka Semi Final deiwa pynrem ko ya ka South West Garo Hills wei ya drawn ko wa ka South West Khasi Hills (Mawkyrwat) wei u yaleh Semi Final ko wa ka East Khasi Hills.
Na East Jaiñtia Hills ha ka Under 15 Boys, ka Hedalis Corner UP School na Rymbai da psiah ko cha ka Semi Final wei daw yachem pyrchah wa ka West Khasi Hills (Nongstoin).heipor 9:45 i step ha Ground 1 mynstep ka sngi.
Waroh ki Semi Final u pyndep ha ka 27-09-2018 wei ki por yalehke yong ka West Jaiñtia man ki kamni ha wah:
U-15 Girls 8 Am ha Ground 2.
U-15 Boys 8 Am ha Ground 1.
U-18 Girls 1:15 Pm ha Ground 1.
U-18 Boys 5:30 Pm ha Ground 1.
Discussion about this post