Ka Teichwa FC da jop ko deiwa yachut Tie-Breaker ya ka Chiruplang I FC ha ka yalehke Quarter Final wa soo yong ka 5th Moodymmai Open To All Knockout Football Tournament kawa pynman da ka Moodymmai Sporting Union ha madanbol ka Moodymmai ynne ka sngi.
Hadooh wa kut i por ka yalehke da neh ko da mar chi kool heiwa ya ka Teichwa FC da thap da u Alwin Dkhar haka minit wa 70, katwa ya ka Chiruplang da thap da u Oliver Pale haka minit wa 42.
Ka yalehke Semi Final wa nyngkong u pynman ha ka 7 tarik uni u bnai hapyrdi ka Pyrdichnong FC pyrchah ya ka Mookyndur SC heipor 2:30 i sngi.
Discussion about this post