Khliehriat: Ka Lyngkien 5Man R .FC, Bataw da psiah ko cha ka Semi Final wa ar hadien wa jop ko da 1-0 pyrchah ya ka T.U. FC ynnin sngi chohthat ha ka lympung yakhun kawa tip kam ka “1st Woh Kiang Nangbah Memorial Football Tournament 2016” kawa da pyllai da ka Umlyngsha, Youth Society & Sports Club (UYSSC), East Jaintia Hills ha madan Lumthangiong Umlyngsha.
Ka yalehke da man ko kawa yoosuk bha heiwa ka Lyngkien FC da jop ko du chi kool kawa toh bakla hi u wa yangbaak yong ka T.U.FC lyngba ka bol freekick kawa chut da u Omega Sumer u wa yalehke yong ka Lyngkein FC ha ka minit wa 7.
Kani ka chi kool da neh ko hadooh wa kut i por yalehke katwa neiliang ka T.U. FC da pyrchang bha ko neipor cheipor u su kylliang ya katai ka chi kool kawa da chah thaap ko tangwa ym ye de ko neibhah ki wa yalehke yong ka Lyngkien FC leh ym e laad ki ya ka T.U. FC.
Ka yakhun Quater Final kawa le daw pynman ka ha ka 5 tarik Khonchonglad (November) heipor 2 waje nohchariñ ka sngi ha Umlyngsha playground.
Kani toh ka khubor kawa da phah lyngba u N.L. Talang Secretary UYSSC, East Jaintia Hills
Discussion about this post