Ki bru kiwa na Bangladesh da wan ki chadooh chajan Dangar, East Khasi Hills District lyngba ki lieñ katkam ki khubor wa da poor wei kini ki nong Bangladeshi da wan ku ki dei thmu wow kit moo heiwa da pynbaad wa ki Border Security Force kiwa em ha Dangar Border Outpost (BOP) da pynlait lan ki wei ym em leh ki iyi iyi yow khang yeini.
Neiliang ka KSU South West Khasi Hills District wa ka KSU Balat Border Area Circle da pynsñiaw ki yei sñiawkhia hajrong ini wa kammon yoh laad kini ki nong Bangladesh wow ku laitlooid chadooh u pood ka ri India wei ini pynyoo ko wa lakam wa em i ya sñiawthooh hapyrdi ki BSF wa kini ki Bangladeshi.
Ka KSU da ong ko wa ini da booh ko hei maa ya ka jaitbru neibhah lada man kamni ym dam wow pynsuk ya ki wym toh ki nong India wow chim ya kani ki ktem chipai kam ka thaw wow psiah yow lai buhai chnong cha kiwi kiwi ki thaw yong ka Bri u Ynñiawtrep.
Ka seiñ da dawa ko na ki bor District yong ka East Khasi Hills District wei kamjooh leh yong ka South West Khasi Hills District wow tuklar smat ki hajrong ini lym kamtæ ym yohsa ka seiñ wow hiar hi cha kini ki thaaiñ wow chim da ki luti yong ka lada jia ma jia kamni neipor cheipor.
Discussion about this post