U Dr. H.H. Mohrmen u kyrtong wow yaleh MLA na ka 2-Jowai Constituency da pyntip u wa da chem u wa ka AITC toh ka wym pu em kyrtong na Jowai wei man ko leh ka National Party kawa nang ku hapoh ka ri wei em ko ya ki yurim kiwa katkam ka riti synchaar yong ka ri.
Kamtæ da ong u wa chwa wow psiah da klam che u khamtam wa ki phang wa yatoh wa i yada ya ka jaitbru wa khian paaid yong i heiwa oo wa kiwa kyrchaan yong oo da yoh ki yei pynche na kiwa yahkhmat ka AITC wei hajrong ini da rai u wow psiah cha ka AITC.
Neiliang u Mohrmen da ong u wa da booh u ya ki kyndon wym toh u khang ya oo wow wanrah yaklam ya ki kaam wa yatoh wa i baamtooh khamtam kiwa hapoh ka Jowai Constituency.
Hawa yatoh wa ka Election, u Mohrmen da ong u wa u lai u kamwa da kular u wym pynbiej poisa.
Ya ki Rally kiwa ka Party ka leh ko, u man i i kitkhlieh yong ka Party, tangwa ka Campaign yong oo won daw pynlut u du kajiak katwa ye. Wei u kreh u katkam ka thong (Vision & Blueprint) kawa oo da pynkhreh u wei ka Party ym em hok ko wow leh iyi iyi hajrong ini.
