Psiah u Himalaya Shangpliang deilang wa ki 3000 ngut kiwa kyrchaan cha ka NPP

U MLA warim ka Mawsynram, u Himalaya M Shangpliang ynne da psiah noh u cha ka National People’s Party (NPP) hadien wa da mih noh u na ka BJP.

U Shangpliang toh uwa da jop ya ka Election MLA ha u 2018 na ka Congress tangwa deilang wa kiwi ki 12 ngut ki MLA da yut ki yow psiah noh cha ka AITC. Hachwa wow pynman ya ka Election MLA 2023, u Shangpliang da psiah noh u cha ka BJP heiwa da rem noh u.

Kamtæ ynne da pdiang sñiawbha ya oo cha ka NPP ha ka yalang wa da pynman ha yung krehkaam ka Party wa em ha Shillong deiwa emlang leh u Montri Rangbah uwa man leh kam u National President ka Party, u Conrad K. Sangma, u Symbood Montri Rangbah uwa man leh kam u National Vice President, u Prestone Tyngsong, u Symbood Montri Rangbah, u Sniawbhalang Dhar wa kiwi de ki heh ka Party.

Da emlang leh u Montri Rangbah warim ka jylla uwa man katni kam uwa e buit ka sorkar, u Dr. DD Lapang uwa da pdiang sñiawbha leh ya u HM Shangpliang.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Neiliang u Conrad da ong u wa u Himalaya M Shangpliang toh u bru wa em i kitkhlieh wei uwa klam leh yei eh i khoo ki paidbah wei daw man u uwa daw yarap ya ka Party wow poi ko cha ka thong neibynta ka Meghalaya.

U Shangpliang hawa e yei klam da yaroh u ya ki kaam pynroi wa da sdang da ka sorkar wa yahkhmat da ka NPP wow yarap nadooh ya ki khynroo khyllood hadooh ki warep ka jylla wei ini waroh da pynchlur ko ya oo wow psiah cha ka Party.

Da pynbna u leh wa oo deilang wa 3000 ngut kiwa kyrchaan ya oo na Mawsynram da psiah ki cha ka NPP heiwa da pdiang ya ki leh da u Mawsynram MDC uwa man leh u Block President, u Alvin Sawkmie.