Ka Jaiñtia Students’ Movements (JSM) Wahiajer-Ummulong Area ynne da chim ko yaka rai wow pteiñ biang u kyrchaan ya ki 5 ngut ki khynnah khonswet kiwa wan na ki manyung wa dooh wa duk neibynta wow pynlai skur ya ki iwa da sdang ka seiñ u leh nadooh u snem 2023.
Ha kani ka sngi da em ka yalang wow yachem ya kiwa ri ya kini ki khynnah kiwa na chnong Wahiajer wa Ummulong heiwa ka JSM da rai ko wow pynbiang ya kini ki khynnah nadooh ka bai skur, ki kot ki sla, Uniform waka bai Tuition neibynta u snem 2024.
Ha ka yalang da em waroh ki dkhot ka JSM Wahiajer-Ummulong Area, kiwa ri ya kini ki khynnah wa kattu katni ki manbei na kani ka thaaiñ.
Neiliang u President ka JSM Wahiajer-Ummulong Area, u H. Supuh da sneiñ u ya kini ki khynnah deiwa kyntu ya ki wow man kiwa minot wa kiwa em akor neibhah ka puræ puthi daw pynkhreh ko ya ka luti yong ki chakhmat.
Kini ki khynnah toh le ngut ki chynrang wa ar ngut ki kynthai kiwa lai Class-X, Class-V, Class IV, Class-III wa Class-II ha ki skur wa em ha Ummulong.
Puræ leh: Jied ka JSM Wahiajer-Ummulong ya 5 ngut ki khynnah wow pynlai skur noh da ka seiñ
Discussion about this post