Pteiñ i chah lehbeiñ kiwa sikai skur, daw pynman yalang paidbah ha khmat ka tnat puræ puthi

Shillong: Neidaw wa chah lehbeiñ ha ka sorkar jylla, kiwa sikai sorkar jyllaki 4^th Teachers kiwa em 1521 ngut hei yatoh wow pynku tulop kiwa sikai SSA ki Upper Primary School da rai wow pynman noh da ka yalang paidbah ha ka 17 tarik uni u bnai ha ka pchem ka yung krehkaam ka Directorate of School Education and Literacy, Laitumkhrah Shillong nadooh 11 waje i step hadooh 2 waje i janmiet.

Ya kani ka rai da chim ha ka yalang General Meeting yong ki 4^th Teachers hapoh ka satri yong ka Meghalaya SSA School Association (MSSASA) 4^th Teachers Committee kawa da pynman ha ka 13 tarik uni u bnai ha Shillong.

Hawa yaklam ha katai ka yalang, u Brightstar Kharsahnoh Secretary ka MSSASA 4^th Teachers Committee da ong u wa nadooh u snem 2013 da dawa ki wa ka Sorkar toh u pynku noh ya ka tulop yong ki 4^th Teachers kamwa su ya ki 3 ngut ki wa sikai SSA kiwa sikai ha ki SSA Upper Primary Skul, tangwa hadien wa kut 4 snem da kut du ha i yaklam wa ki kular neiliang ka Sorkar wow pynku noh ya ka tulop.

Katkam i hok yong ki 4^th Teachers hadooh katni dang yoh ki ya ka tulop wa T. 6,000 chi bnai tangwa ya ki 3 ngut kiwa sikai SSA da pynku cha T. 9,900 ha u snem 2013 wei ya kiwa da yoh ya ka training da pynku cha T. 20,493 chi bnai wa T. 14,392 ya kiwa ym pu dep ya ka traning ha u snem 2016.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“I da dep yachem i nadooh ki sahep, ki Minister In-charge wa nachwa yong ka tnat puræ puthi kamjooh ya u Montri Rangbah ka Jylla u Dr. Mukul Sangma ha u snem wa da dep heiwa neiliang yong oo da kular u wow pynku noh ya ka tulop yong ki 4^th Teachers tangwa da kut ko du hei kular donhi. Da kular u leh wa lada wai ya ki Sub-Division wa thymme wei lada biang ka poisa ka sorkar daw pynku ko ya ki tulop kiwa sikai 4^th Teachers kawa da sah nadooh u snem 2013” da ong u Aristotle C. Rymbai, President ka MSSASA Seiñbei.

Ka Sorkar na ki por cha ki por da klam ko hajrong ka phang wow pynku ya ki kaam sikai tangwa deiwa su T. 6,000 chi bnai ym yahaap tang wow su ya ki Peon wa ki Chowkidar.

Lada wyrchaw won wa i kaam kiwa sikai kawa ktah ya ka mynried ki khynnah toh u pynbiang yeiwa emkaam kiwa sikai man ka sngi katkam wada pynbiang ya ki 3 ngut kiwa sikai SSA kiwa da pynbiang tulop ka sorkar da ong u A.C. Rymbai.